| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 23.91 | Dem. 23.94 (English) | >>Dem. 23.97 |
23.93ἐγὼ δὲ πρὸς ταῦτʼ οἶμαι δεῖν ὑμᾶς ἐκεῖνʼ ὑπολαμβάνειν , ὅτι τὸ ψήφισμα τοῦθʼ οὗτος ἔγραψεν οὐχ ἵνʼ ὄντος ἀκύρου μηδὲν ἀηδὲς ὑμῖν συμβῇ (τὴν ἀρχὴν γὰρ ἐξῆν αὐτῷ μὴ γράφειν , εἴ γε τὸ βέλτιστον τῇ πόλει σκοπεῖν ἐβούλετο ) ἀλλʼ ἵνʼ ἐξαπατηθέντων ὑμῶν διαπράξαιντό τινες τἀναντία τοῖς ὑμῖν συμφέρουσιν . οἱ δὲ γραψάμενοι καὶ χρόνους ἐμποιήσαντες καὶ διʼ οὓς ἄκυρόν ἐστιν , ἡμεῖς ἐσμεν . ἄτοπον δὴ γένοιτʼ ἄν , εἰ ὧν ἡμῖν χάριν εἰκὸς ὑπάρχειν , ταῦτα τούτοις εἰς σωτηρίαν ὑπάρξειεν .
23.94ἔτι τοίνυν οὐδʼ ἁπλοῦν τοῦθʼ οὕτως ἐστίν , ὥς τις οἴεται . εἰ μὲν γὰρ μηδεὶς ἄλλος ἦν ὅστις ἔμελλεν ὁμοίως τούτῳ τῶν συμφερόντων ὑμῖν ὀλιγωρήσας γράφειν , ἴσως ἂν ἦν τοῦτο · νῦν δʼ ὄντων οὐκ ὀλίγων οὐχὶ καλῶς ἔχει μὴ λῦσαι τὸ ψήφισμʼ ὑμῖν . τίς γὰρ οὐ γράψει θαρρῶν πάλιν , ἡνίκʼ ἂν ᾖ τοῦτʼ ἀποπεφευγός ; τίς δʼ οὐκ ἐπιψηφιεῖ ; τίς δὲ γράψεται ; οὐ τοίνυν τοῦτο σκεπτέον , εἰ τοῦτʼ ἔστιν ἄκυρον τοῖς χρόνοις , ἀλλʼ ἐκεῖνο , ὅτι τῇ περὶ τούτου ψήφῳ , νῦν ἐὰν ἀποψηφίσησθε , τοῖς ἀδικεῖν βουλομένοις αὖθις ὑμᾶς ἄδειαν δώσετε .
οὐ τοίνυν οὐδʼ ἐκεῖνό μʼ , ὦ ἄνδρες Ἀθηναῖοι , λέληθεν , ὅτι ἁπλῆν μὲν οὐδὲ δικαίαν οὐδʼ ἡντινοῦν ἀπολογίαν Ἀριστοκράτης ἕξει λέγειν , παραγωγὰς δέ τινας τοιαύτας ἐρεῖ , ὡς ἄρα πολλὰ τοιαῦτʼ ἤδη γέγονε ψηφίσματα πολλοῖς . ἔστι δʼ οὐδέν , ὦ ἄνδρες Ἀθηναῖοι , τοῦτο σημεῖον τοῦ τοῦτον ἔννομʼ εἰρηκέναι · πολλαὶ γὰρ προφάσεις εἰσὶν διʼ ἃς πολλάκις ὑμεῖς ἐξηπάτησθε .
23.95
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 23.91 | Dem. 23.94 (English) | >>Dem. 23.97 |
